مشاريع جانبية تقنية
غالبا اذا فيه افكار جديدة في بالي بحاول اضيفها هنا بحيث ممكن اشاركها مع الناس ونتعلم من بعض، غالبا راح تكون المشاريع مفتوحة المصدر وممكن تشارك فيها او تستفيد منها
- 💰
تطبيق متابعة النفقات الشخصية
كنت أستخدم إكسل لمتابعة مصاريفي اليومية، لكن مع الوقت حسيت إنه متعب، فقررت أسوي تطبيق بسيط يساعدني أتابع نفقاتي بشكل أفضل. الحين، صار التطبيق يقدر يساعد أي شخص يبغى يرتب مصاريفه بسهولة.
spending-tracker-tau.vercel.app
- 🍳
وصفات منزلية
أحب الطبخ وأحب أشارك الوصفات اللي أجربها في البيت. فقررت أسوي موقع بسيط أكتب فيه وصفاتي المفضلة وأخليها متاحة للكل. الموقع صار طريقة سهلة لتوثيق الوصفات اللي أحبها وأشاركها مع اللي حولي.
h-recipes.vercel.app
- 📚
تطبيق سحب بيانات الغياب
فكرة التطبيق جتني من معاناتي في استخراج بيانات الغياب من النظام الجامعي. سويت هالتطبيق عشان يسهل على الطلاب يطلعون بياناتهم بسرعة وبدون تعقيد. مفيد جدًا لأي طالب في كلية ينبع الجامعية، مع اني ماعتقد ان النظام باقي مثل ماهو بس ممكن تستفيد من الكود
github.com/sombek/lms
- 🧠
مرجع العيادات النفسية
مع زيادة الاهتمام بالصحة النفسية، لاحظت إن في ناس كثير يدورون على عيادات نفسية. فقررت أسوي صفحة ويب تجمع معلومات عن العيادات النفسية ويساعد الناس يلقون المكان المناسب بسهولة.
clinics-refs.vercel.app
- 🖥️
إعداد البرامج على الماك
بعد ما شريت ماك جديد، لقيت إني أحتاج وقت طويل لتثبيت البرامج اللي أستخدمها. سويت هذا الموقع عشان أسهل العملية لي ولأي شخص عنده نفس التحدي مع الماك الجديد.
new-mac-setup.vercel.app